【澳門翠苑餐廳】
地址 :旺角上海街557號旺角熟食中心2樓8號舖
電話 : 3514 4348
哈哈,前兩日因為『騎呢妹』過兩次海出九龍,
所以『騎呢仔』我,就特登出左去試下呢個出名既農夫包同茄牛通
原來呢度都幾難搵,一見到係熟食中心,就覺得係響街市入面。< br>點知其實係響朗豪對面,響朗豪二樓有條橋過去。
先講講個茄牛通餐先啦,
唔錯,個湯真係好甜,好香既茄味。
有少少似羅宋湯既味
好正。。。
但d通粉就少少淡,但總算ok~~
個茄牛通餐包一個硬餐包
好正,脆脆的。
好,跟住就係個農夫飽餐,
我叫左個咖厘雞既,< br>個飽一黎嚇到傻左,哇,好大個啊,好圓碌碌啊。
一打開,都ok多雞。
而個咖厘汁就略賺油左少少,面頭就一層油
咁我地就落d咖厘汁落去d雞度
點知?問題出現啦。。
當我地食完d雞,(加上坐左個風口位),個飽就琳晒。
所以,我諗應該係要雞同飽同步食既。
(之後,再去食左一次,同步食,個飽就脆好多)
初頭以為得個飽會唔夠飽,點知,到最後係食剩大半。汗
聽老闆講d凍啡都出名,下次去試下先。
有興趣的可以like我的粉絲專頁啊,分享來自世界的人事物。
你的like,就是我寫下去的動力~
全站熱搜
留言列表